Derisa vazhdon të përflitet shumë se si do të jetë formacioni i Arsenalit për ndeshjen në “Allianz Arena”, Carlo Ancelotti tani ka disa probleme në përzgjedhjen e tij.

Është konfirmuar se anësori francez Frank Ribery do të jetë jashtë fushës për ndeshjen në Ligë të Kampionëve kundër “Topçinjve” si pasojë e lëndimit, shkruan portali arbresh.info.

Por, fatkeqësitë për Bayern Munichun janë rritur të hënën kur një tjetër yll në mesfushë u lëndua gjatë stërvitjeve.

Lexo më shumë: Ylli i Bayernit godet Arsenalin (Foto)

Javën e kaluar, Xavi Alonso arriti një moment historik pasi mesfushori spanjoll regjistroi paraqitjen e tij të 800-të në fushë. Gjatë gjithë karrierës, Alonso ka luajtur për klubet më të mëdha në botën e futbollit, përfshirë Liverpoolin dhe Real Madridin.

Sidoqoftë, 35-vjeçari u lëndua në gju gjatë stërvitjeve këtë javë duke u detyruar të largohet nga fusha./arbresh.info